ஐ யம் கேம் படத்திற்காக பின்னணி பாடிய துல்கர் சல்மான்

மலையாள நடிகர் துல்கர் சல்மான் நேற்று தனது பிறந்த நாளை கொண்டாடினார். இதனை முன்னிட்டு ரசிகர்கள் சமூக வலைதளங்களில் தங்களது வாழ்த்துகளையும், அவரது அடுத்தடுத்த படங்கள் குறித்த தகவல்களையும் பகிர்ந்து வருகின்றனர். இந்த கொண்டாட்டங்களுக்கு மத்தியில், அவரது ரசிகர்களைக் குறிப்பாக, மிகவும் உற்சாகப்படுத்தும் ஒரு புதிய தகவல் வெளியாகியுள்ளது.

நஹாஸ் ஹிதாயத் இயக்கத்தில் துல்கர் சல்மான் நடித்து வரும் ஆக்ஷன் த்ரில்லர் படமான ஐ யம் கேம் படத்தில், துல்கர் சல்மான் ஒரு பாடல் பின்னணி பாடி இருப்பதாக இசையமைப்பாளர் ஜேக்ஸ் பிஜோய் உறுதிப்படுத்தியுள்ளார். இப்படம் வருகிற ஆகஸ்ட் 20, 2026 அன்று திரையரங்குகளில் வெளியாகவுள்ளது.

துல்கர் சல்மானின் குரலில் வரவிருக்கும் இந்த பாடலைக் கேட்க ஆவலுடன் காத்திருக்கும் அவரது ரசிகர்களுக்கு இந்த அறிவிப்பு மகிழ்ச்சியை கொடுத்துள்ளது. பாடலின் தலைப்பு மற்றும் பாடல் வெளியாகும் தேதி குறித்த தகவல்கள் விரைவில் அறிவிக்கப்பட உள்ளது.

ஐ யம் கேம் படத்தில் கயாடு லோஹர், ஆண்டனி வர்கீஸ், மிஷ்கின், கதிர், சம்யுக்தா விஸ்வநாதன் உள்ளிட்ட பலர் முக்கிய கதாபாத்திரங்களில் நடித்துள்ளனர். ரூ.2.25 கோடிக்கும் மேல் வசூலித்து மாபெரும் வெற்றி பெற்ற ஆர்டிஎக்ஸ் படத்தை இயக்கிய நஹாஸ் ஹிதாயத் இயக்கத்தில் துல்கர் சல்மான் நடிக்கும் முதல் படம் இதுவாகும். இதனால் இப்படத்தின் ஆக்ஷன் காட்சிகளுக்கு மிகப்பெரிய எதிர்பார்ப்பு உள்ளது.