நான் தலைவராகும் போது, ஒரு சாவியை கொடுத்து பொறுப்பை ஒப்படைத்தனர். இன்றைக்கு ஒரு பெரிய சாவி கொத்தையே, செல்வப்பெருந்தகையிடம் கொடுத்துள்ளேன். நான் தேவையான அளவு மட்டுமல்ல, தேவைக்கு அதிகமாகவும் தலைவராக இருந்து விட்டேன். ஒன்றை பெறுவதில் எவ்வளவு மகிழ்ச்சி உள்ளதோ, அதே மகிழ்ச்சி அதைதுறப்பதிலும் உள்ளது.

வார்த்தையில் பெருந்தன்மையும், உள்ளத்தில் மனக்குமுறலும் இவரது பேச்சில் தெளிவா தெரியுதே!

இவங்க தலைவர் பன்னீர்செல்வத்துக்காக, முக்குலத்தோர் ஓட்டு போடுவாங்கன்னா, கடந்த சட்டசபை தேர்தலில் தென் மாவட்டங்கள் கைகொடுத்து, பழனிசாமி ஆட்சியை தக்க வச்சிருப்பாரே!

பா.ம.க., தலைவர் அன்புமணி அறிக்கை: முதல்வர் ஸ்டாலினை சந்தித்து மனு கொடுக்க சென்ற, 18 பெண்கள் உள்ளிட்ட, 20 விவசாயிகளை காவல் துறை கைது செய்திருப்பது கண்டிக்கத்தக்கது. இதை கண்டித்து, 10 விவசாயிகள் செய்யாறு, மேல்மா கூட்டு சாலையில் சாகும் வரை உண்ணாவிரதம் மேற்கொண்டனர்; அவர்களும் கைது செய்யப்பட்டு உள்ளனர். தமது அரசு விவசாயிகளுக்கு எதிரான அரசு என்பதை, முதல்வர் ஸ்டாலின் சொல்லாமல் சொல்கிறாரோ என்ற சந்தேகம் ஏற்படுகிறது.

டில்லிக்கு போராட போற விவசாயிகளுக்கு ஆதரவு தர்றாங்க... ஆனா, தன்னை சந்திக்க வருபவர்களுக்கு, 'தடா' போடுறாங்களே ஏன்?

முதல்வர் கொளத்துார் தொகுதிக்கு வீட்டை மாற்றினால், 'ஓவர் நைட்'டில் எல்லா பிரச்னைகளையும் அதிகாரிகள் தீர்த்துடுவாங்க; எந்த வலியும் அந்த பகுதி மக்களுக்கு இருக்காது!