தன் மீது தொடரப்பட்ட வழக்கை ரத்து செய்யும்படி, கர்நாடக உயர் நீதிமன்றத்தில் ஹரிஷ் பூஞ்சா மனு தாக்கல் செய்திருந்தார்.

நீதிபதி ஸ்ரீஷனானந்தா முன் விசாரணைக்கு வந்தது. 'இம்மனு தொடர்பாக உயர் நீதிமன்ற தலைமை நீதிபதியிடம் அனுமதி கேட்டு, விசாரணைக்கு ஏற்றுக் கொள்ளப்படும்' என்று கூறி, நேற்றைக்கு ஒத்தி வைத்திருந்தார்.

நேற்று காலை இம்மனு விசாரணைக்கு வந்தபோது, மனுதாரர் தரப்பு வக்கீல் வாதிடுகையில், 'மனுதாரர் மீது பதிவு செய்யப்பட்ட எப்.ஐ.ஆர்., நகல் கேட்கப்பட்டு உள்ளது' என்றார்.

இதற்கு அரசு தரப்பு வக்கீல், 'போலீஸ் நிலையத்தில் எப்.ஐ.ஆர்., நகலை சமர்ப்பிக்க அவகாசம் வேண்டும்' என்று கேட்டார்.

இதை ஏற்றுக்கொண்ட நீதிபதி, 'மாநில அரசுக்கும், புகார்தாரருக்கும் நோட்டீஸ் அனுப்ப உத்தரவிட்டதுடன், வழக்கு விசாரணையை, வரும் 20ம் தேதிக்கு ஒத்திவைத்தார்.