வர்த்தகம் நடந்த 3,374 நிறுவனங்களின் பங்குகளில் 2,456 உயர்வுடனும், 841 சரிவுடனும், 77 மாற்றம் ஏதுமில்லாமலும் நிறைவடைந்திருந்தன. ஒரு வழியாக குறுகிய கால சராசரிகளுக்கு (14/21 இ.எம்.ஏ.,) மேலே நிப்டி நிறைவடைந்திருப்பதால், குறுகிய கால அடிப்படையில் சற்று ஏற்றம் காண்பதற்கான வாய்ப்பு உள்ளது. அதே நேரம், மொமெண்டம் இண்டிக்கேட்டர்கள் நியுட்ரலாக இருப்பதால், இன்னமும் டெக்னிக்கலாக பெரிய அளவிலான ஏற்றத்துக்கான வாய்ப்பு தென்படவில்லை. 24,000- லெவல் முக்கிய ஆதரவாக இருப்பதால், இதற்கு மேலே இருக்கும் வரை பெரிய வீழ்ச்சிக்கான வாய்ப்பு குறைவாக இருக்கும். அடுத்த முக்கிய ரெசிஸ்டென்ஸ் 24,500 - 25,000 என்ற லெவலில் இருக்கிறது. இதை தாண்டினால் அடுத்த கட்ட ஏற்றம் உருவாக வாய்ப்புள்ளது. ஆனால், 24,000த்திற்கு கீழே சரிந்தால், மீண்டும் 23,700 வரை சென்று திரும்புவதற்கான வாய்ப்பு உள்ளது. செய்திகளை அடிப்படையாக கொண்டே அடுத்த கட்ட நகர்வுகள் இருக்கும்.