மும்பை: மும்பையில் கனமழை பெய்து வருவதால், போக்குவரத்து நெரிசல் ஏற்பட்டுள்ளது. பால்கனி இடிந்து விழுந்ததில் ஒருவர் உயிரிழந்தார்.

மஹாராஷ்டிரா, குஜராத், கோவா மற்றும் அசாமில் சில பகுதிகளில் இன்று(ஜூலை 20) கனமழை முதல் மிக கனமழை பெய்ய வாய்ப்புள்ளது என இந்திய வானிலை மையம் தெரிவித்து இருந்தது. கடந்த 24 மணி நேரத்தில் மும்பையில் 78 மி.மீ மழை பதிவாகியுள்ளது. குறிப்பாக தானே மாவட்டத்தில் கனமழை பெய்து வருகிறது. இதனால் போக்குவரத்து பாதிக்கப்பட்டது.

இடைவிடாத மழை காரணமாக சாலைகள் மற்றும் ரயில் தண்டவாளங்களில் தண்ணீர் தேங்கியுள்ளது. புறநகர் ரயில் சேவைகள் 15 முதல் 20 நிமிடங்கள் தாமதமாக இயக்கப்பட்டன. பால்கனி இடிந்து விழுந்ததில் ஒருவர் உயிரிழந்தார். மேலும் 3 பேர் காயமடைந்தனர். இவர்கள் மருத்துவமனையில் சிகிச்சை பெற்று வருகின்றனர். குஜராத்தில் பல்வேறு இடங்களில் கனமழை பெய்து வருகிறது. சுரங்கப்பாதையில் தண்ணீர் தேங்கி உள்ளது.