காங்கிரஸ் கேள்வி

காங்., பொதுச் செயலர் ஜெய்ராம் ரமேஷ் கூறியதாவது:வட கிழக்கு மாநிலமான மணிப்பூரில் கடந்த ஆண்டு மே மாதம் முதல் இரு சமூகங்களுக்கு இடையே மோதல் நடந்து வருகிறது. இதில், 200க்கும் மேற்பட்டோர் கொல்லப்பட்டுள்ளனர். டில்லியில் நடந்த நிடி ஆயோக் கூட்டத்திலும், பா.ஜ., முதல்வர்கள் கூட்டத்திலும் அந்த மாநில முதல்வர் பைரேன் சிங் பங்கேற்றுள்ளார். அப்போது, பிரதமர் நரேந்திர மோடியை தனியாக சந்தித்து, தங்கள் மாநிலத்தில் நிலவும் பிரச்னை குறித்து அவர் விவாதித்தாரா என, மணிப்பூர் மக்கள் கேள்வி எழுப்பியுள்ளனர். உக்ரைன் செல்லும் முன்போ அல்லது வந்த பிறகோ மணிப்பூருக்கு வருமாறு பிரதமரை அவர் வலியுறுத்தினாரா என்றும் அவர்கள் வினவியுள்ளனர். இவ்வாறு அவர் கூறினார்.