'நீண்ட காலம் தொடரும் உறவு' சந்திப்பின் போது கனடா அமைச்சர் அனிதா ஆனந்த் கூறியதாவது: இந்தியா - கனடா உறவை மேலும் வலுப்படுத்தும் பணிகளை முன்னெடுப்பதில் மகிழ்ச்சி. கனடாவில் நடந்த, 'ஜி - 7' உச்சி மாநாட்டில் பிரதமர் மோடியை வரவேற்றதில் எங்கள் பிரதமர் கார்னி மகிழ்ச்சியடைந்தார். அந்த சாதகமான நிகழ்வே, நாம் இங்கு நடத்தும் பேச்சுக்கு அடித்தளமாக அமைந்துள்ளது. பேச்சின் முக்கிய அம்சமாக உள்ள இந்தியா- - கனடா கூட்டறிக்கை, இரு நாடுகளும் இணைந்து செயல்படுவதற்கான பரஸ்பர திட்டங்களை எடுத்துரைக்கும். இந்தோ- - பசிபிக் பிராந்தியத்தில் நம் பரஸ்பர முன்னுரிமைகளுக்கு முக்கியத்துவம் வழங்கும். சில வாரங்களுக்கு முன், இங்கு பாதுகாப்பு மற்றும் சட்ட அமலாக்கம் தொடர்பாக எங்கள் அதிகாரிகள் நடத்திய சந்திப்பு மிகவும் பயனுள்ளதாக இருந்தது. அதன் முக்கியத்துவத்தை இரு நாடுகளும் உணர்ந்துள்ளன. இந்த உறவை நீண்ட காலம் முன்னெடுத்துச் செல்ல, நாங்கள் கூட்டாக உறுதிபூண்டுள்ளோம். இவ்வாறு அவர் கூறினார்.