கவனிக்க நேரமில்லை!

ராகுலுக்கு பதிலடி கொடுத்து, பா.ஜ., தேசிய செய்தித் தொடர்பாளர் பிரதீப் பண்டாரி கூறியதாவது:ராகுலை தவிர, நாட்டில் உள்ள அனைவரும் பிரதமர் மோடி தலைமையின் கீழ் நாடு அடைந்து வரும் முன்னேற்றத்தை பார்த்து வருகின்றனர். நம் நாட்டை குறை கூறுவதிலேயே மும்முரமாக இருக்கும் ராகுலுக்கு, இதை கவனிக்க நேரமிருக்காது.'ஆப்பரேஷன் சிந்துார்' நடவடிக்கையே, நாட்டின் உற்பத்தித் திறனுக்கான சமீபத்திய உதாரணம் மற்றும் மைல்கல். காங்., ஆட்சியில் ராணுவ தளவாடங்களில் வெளிநாடுகளையே சார்ந்திருந்தோம். தற்போது அந்நிலை தலைகீழாக மாறி உள்ளதோடு மட்டுமின்றி, நம் நாட்டில் தயாரிக்கப்பட்ட ராணுவ உபகரணங்களுக்கு வெளிநாடுகளில் மவுசு ஏற்பட்டுள்ளது. இது ராகுலுக்கு தெரியாதா? அரசியல் காழ்ப்புணர்ச்சியால் ஆதாரமில்லாமல் குற்றச்சாட்டுகளை கூறுவதே அவருக்கு வாடிக்கையாகி விட்டது.இவ்வாறு அவர் கூறினார்.