வரும் ஏப்ரல் அல்லது மே மாதம் லோக்சபா தேர்தல் நடக்க உள்ளது. அதேபோல இந்தாண்டில் ஆந்திரா, அருணாசலப்பிரதேசம், ஒடிசா, சிக்கிம், ஹரியானா, மஹாராஷ்டிரா, ஜார்க்கண்ட் ஆகிய 7 மாநில சட்டசபைகளுக்கு தேர்தல் நடக்க உள்ளது. எனவே இந்தாண்டு அரசியல் களம் அனல் பறக்கும் என எதிர்பார்க்கப்படுகிறது.

ஐரோப்பா கண்டத்தில் 36 நாடுகளிலும், ஆப்ரிக்காவில் 18 நாடுகளிலும், ஆசியாவில் 17 நாடுகளிலும், வட அமெரிக்காவில் 25 நாடுகளிலும், தென் அமெரிக்காவில் 2 நாடுகளிலும் தேர்தல் நடைபெற உள்ளன.

140 கோடிக்கும் மேற்பட்ட மக்கள் தொகை கொண்ட இந்தியாவில் 90 கோடிக்கும் மேற்பட்டோர் ஓட்டளிக்க தகுதி உடையவர்கள். பாகிஸ்தானில் நடக்க உள்ள தேர்தலில் 12.7 கோடிக்கும் அதிகமானோர் ஓட்டளிக்க தகுதி உடையவர்கள். அமெரிக்காவில் நடக்க உள்ள அதிபர் தேர்தலில் 16 கோடிக்கும் மேற்பட்டோர் ஓட்டளிக்க தகுதி உடையவர்கள்.