திருப்புத்தூர் : மானாமதுரை - பெரம்பலூர் தேசிய நெடுஞ்சாலை போதிய பராமரிப்பு இன்றி, குழிகள் உருவாகி யுள்ளன.

தற்போது தரம் உயர்ந்த பின், ரோட்டின் தரம் கேள்விக்குறியாகி விட்டது. திருப்புத்தூர் புதுப் பட்டி பள்ளி அருகில் இருந்து, அரசு மருத்துவமனை வரை, பல இடங்களில் குண்டும் குழியுமாக உள்ளன. ஆனால், இரு முறை பராமரிப்பு என்ற பெயரால், தரமில்லாத பணிகளை செய்தனர். குழிகளை மூட முயற்சி எடுக்காமல், ரோடு ஒரங்களில் மண் கொட்டினர். ரோடு ஓரத்தில் தோண்டி மண்ணை எடுத்து, இப்பணிகளை செய்தனர். இதனால் ரோட்டின் அருகில் பெரிய குழிகள் உள்ளன. மழை பெய்தால் மண் அரிமானம் ஏற்படும். செம்மண் போடாமல், இதில் வீண் வேலை நடந்து வருகிறது. இது போன்ற அலட்சியம் தொடர்ந்தால், தேசிய நெடுஞ்சாலைக்கு உரிய தகுதியை, இந்த ரோடு இழக்கும்.