புதுச்சேரி, ஆல்பா கலை மற்றும் அறிவியல் கல்லுாரி சார்பில் அறிவியல் சார்ந்த படிப்புகளை முடித்த மற்றும் மேற்படிப்பு பயின்று வரும் மாணவர்களுக்கான வளாக வேலை வாய்ப்பு முகாம் நேற்று நடந்தது.

கன்னியகோயில் - பாகூர் சாலையில் அமைந்துள்ள ஆல்பா கல்வி வளாகத்தில் நடந்த வேலைவாய்ப்பு முகாமை கல்லுாரி தாளாளர் பாஷிங்கம் துவக்கி வைத்தார்.

காலை 9:00 மணி முதல் 1:00 மணி வரை நடந்த முகாமில், 50க்கும் மேற்பட்டோர் பங்கேற்றனர். இதில், 3 நபர்களை சென்னை மற்றும் கோயம்பத்துார் இ-பப்ளிஷிங் நிறுவனம் தேர்வு செய்து, ரூ.3.5 லட்சம் சம்பளம் வழங்குவதற்கான பணி நியமன ஆணையை வழங்கியது.

தேர்வு செய்யப்பட்டவர்களுக்கு கல்லுாரி தாளாளர் பாஷிங்கம் வாழ்த்து தெரிவித்தார். கல்லுாரி துறைத் தலைவர்கள், பேராசிரியர்கள் கலந்து கொண்டனர்.