நெட்டப்பாக்கம்: முன் விரோதத்தில் பஞ்சாயத்து ஊழியரை தாக்கி கொலை மிரட்டல் விடுத்த நான்கு பேர் மீது போலீசார் வழக்குப் பதிந்து விசாரித்து வருகின்றனர்.

மிட்டா மண்டகப்பட்டு மாரியம்மன் கோவில் தெருவைச் சேர்ந்தவர் ஜெகதீஷ், 37; மண்டகப்பட்டு பஞ்சாயத்து 100 நாள் வேலை திட்ட சூப்பர்வைசர்.

இவர் கடந்த 20ம் தேதி இரவு 7:00 மணிக்கு ஏரிப்பாக்கத்தில் உள்ள ரெஸ்ட்ரோ பாரில் தனது நண்பர்களுடன் மது குடித்து கொண்டிருந்தார். அப்போது அங்கு மது குடித்துக் கொண்டிருந்த ஏரிப்பாக்கத்தைச் சேர்ந்த சபரி, 28; பரத், 30; சரவணன், 26; ஜெகன், 30; ஆகியோர் முன் விரோதம் காரணமாக ஜெகதீசை திட்டி, தாக்கி, கொலை மிரட்டல் விடுத்தனர். காயமடைந்த ஜெகதீஷ் சிகிச்சை பெற்று நெட்டப்பாக்கம் போலீசில் புகார் கொடுத்தார். அதன்பேரில் சபரி, பரத், சரவணன், ஜெகன் ஆகியோர் மீது போலீசார் வழக்குப் பதிந்து விசாரித்து வருகின்றனர்.