என்ன பிரச்னை?

பிரெஞ்சியர் ஆட்சிக்காலத்தில் சுண்ணாம்பாறு காலத்தில் கட்டப்பட்ட பாலம் இன்னும் கம்பீரமாக நிற்க, கடந்த 2017ல் கட்டப்பட்ட ரயில்வே மேம்பாலம் பல்லிளித்து உள்ளது வியப்பினை ஏற்படுத்தியுள்ளது. பொதுப்பணித் துறை அதிகாரிகள் கூறுகையில், 'ரயில்வே மேம்பாலம் வலுவாகவே உள்ளது. பக்க சுவர் சற்றே விரிவாக்கமடைந்துள்ளது. நாம் வீடு கட்டிய பிறகு சில ஆண்டுகளில் சுவர்களில் விரிசல், சற்று விழுந்து இருக்கும். அந்த பகுதியில் மணல் உள்ளிட்ட பல்வேறு பிரச்னைகளால் இது ஏற்படும்.அதுபோன்று தான் ரயில்வே மேம்பாலத்திற்கு நடந்துள்ளது. வரலாறு காணாத மழை காரணமாக தண்ணீர் கசிவு ஏற்பட்டு பாலத்தில் இந்த தளர்வு ஏற்பட்டு இருக்கலாம். எனவே நெய்லிங் புராஸ்சஸ் பணியை துவங்கியுள்ளோம். மணல் தளர்ந்துள்ள பகுதிகளில் ரசாயணம் கலந்த கான்கிரீட் கலவை கொட்டி பலப்படுத்தி வருகிறோம். 70 மீட்டர் நீளத்திற்கு பணி மேற்கொள்ள உள்ளோம். இப்பணி இரண்டரை மாதத்தில் முடியும்' என்றனர்.