புதுச்சேரி, : திருவள்ளுவர் அரசு பெண்கள் மேல்நிலைப் பள்ளி மாணவிகளுக்கு தினமலர் பட்டம் இதழை நேரு எம்.எல்.ஏ., நேற்று வழங்கினார்.

மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதிய தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் மாணவர் பதிப்பு பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.உருளையன்பேட்டை தொகுதி திருவள்ளுவர் அரசு பெண்கள் மேல்நிலைப் பள்ளியில் தினமலர் மாணவர் பதிப்பு பட்டம் இதழ் வழங்கும் விழா நேற்று நடந்தது.

பள்ளி முதல்வர் தினகர் வரவேற்றார்.

தொகுதி எம்.எல்.ஏ., நேரு தலைமை தாங்கி, தனது சொந்த செலவில், இந்த கல்வியாண்டு முழுதும் மாணவிகளுக்கு பட்டம் இதழ் வழங்கும் நிகழ்ச்சியை துவக்கி வைத்தார்.

நிகழ்ச்சியில், விரிவுரையாளர்கள் பிரேமலதா, அருணகிரி, நாட்டு நலப்பணித்திட்ட மாநில ஒருங்கிணைப்பாளர் கலைவாணி பாணடியன் உள்ளிட்ட பள்ளி ஆசிரியர்கள், மாணவியர் உட்பட பலர் கலந்து கொண்டனர்.