டென்மார்க்கில், அணிகளுக்கு இடையிலான தாமஸ், உபர் கோப்பை பாட்மின்டன் தொடர் நடக்கிறது. ஆண்களுக்கான தாமஸ் கோப்பை 'ஏ' பிரிவு 2வது லீக் போட்டியில் இந்தியா, ஆஸ்திரேலியா மோதின.

ஒற்றையர் பிரிவு முதல் போட்டியில் இந்தியாவின்லக்சயா சென் 21-14, 21-16 என ஸ்டீபன் சாமை வென்றார். மற்றொரு போட்டியில் ஆயுஷ் ஷெட்டி, 21-8, 21-6 என ஷ்ரே தந்த்தை சாய்த்தார்.

ஆண்கள் இரட்டையர் பிரிவில் இந்தியாவின் சாத்விக்சாய்ராஜ், சிராக் ஷெட்டி ஜோடி 21-14, 21-16 என நேர் செட் கணக்கில் ஹிதாயத், யு ஜே ஜோடியை வென்றது.

ஒற்றையர் பிரிவு 3வது போட்டியில் இந்தியாவின் பிரனாய், 21-11, 21-17 என ரிஷி பூபதியை வீழ்த்தினார். ஆண்கள் இரட்டையர் இரண்டாவது போட்டியில் இந்தியாவின் அம்சகருணன், அர்ஜுன் ஜோடி 21-12, 21-10 என, ரமதியன்ஷா, ஸ்டீபன் சாம் ஜோடியை சாய்த்தது.

முடிவில் இந்திய அணி 5-0 என்ற கணக்கில் வெற்றி பெற்றது. ஏற்கனவே கனடாவை வென்ற இந்தியா, காலிறுதிக்கு முன்னேறியது. நாளை தனது 3வது, கடைசி போட்டியில் இந்தியா, சீனாவை சந்திக்க உள்ளது.