தோஹா: சவுதி அரேபியாவில் 23 வயதுக்கு உட்பட்டோருக்கான ஆசிய கோப்பை கால்பந்து தொடர், வரும் 2026, ஜன. 7-25ல் நடக்க உள்ளது. இதற்கான தகுதிச்சுற்றில் 44 அணிகள் பங்கேற்கின்றன. 11 இடங்களில் போட்டிகள் நடக்கின்றன.

இந்திய அணி 'எச்' பிரிவில் கத்தார், பஹ்ரைன், புருனேய் அணிகளுடன் இடம் பெற்றுள்ளது.

இப்போட்டிகள் கத்தாரின் தோகாவில் நடக்கின்றன. இந்திய அணி தனது முதல் போட்டியில் பஹ்ரைனை சந்தித்தது. போட்டியின் 32வது நிமிடத்தில் முகமது சுகைல், இந்திய அணிக்கு முதல் கோல் அடித்து கைகொடுத்தார்.

இரண்டாவது பாதியில் போட்டி முடிவதற்கு சற்று முன், ஸ்டாப்பேஜ் நேரத்தில் (90+5 வது நிமிடம்) இந்திய வீரர் ஷிவால்டோ ஒரு கோல் அடித்தார். முடிவில் இந்திய அணி 2-0 என்ற கோல் கணக்கில் வெற்றி பெற்றது.