கொலையில் தொடர்பு

எஸ்.ஐ.,யை வெட்டி தப்ப முயன்றபோது சுட்டுப் பிடிக்கப்பட்ட சத்யா மீது, பல்வேறு காவல் நிலையங்களில், கொலை, கொலை முயற்சி உள்ளிட்ட 13 வழக்குகள் உள்ளன. குறிப்பாக, அமைச்சர் நேரு தம்பி ராமஜெயம் கொலை வழக்கில், திருச்சி போலீசாரின் சந்தேகப் பட்டியலில் இருப்பவர் என்பதும் குறிப்பிடத்தக்கது.கிழக்கு கடற்கரை சாலையில் உள்ள பல விடுதிகள், பண்ணை வீடுகளில், மது விருந்துடன் கேளிக்கை கொண்டாட்டம் நடப்பது வழக்கமாக உள்ளது.பா.ஜ., பிரமுகர் வக்கீல் பிறந்த நாள் விழா நடந்த விடுதி, சில ஆண்டுகளுக்கு முன், வேறு ஒரு பெயரில் இயங்கியது. அங்கு, முன்பு நடந்த மது விருந்து, மோதல் தொடர்பாக, மாமல்லபுரம் போலீசார் பலரை கைது செய்தனர். வருவாய்த் துறையினர், விடுதிக்கு 'சீல்' வைத்தனர். அதே விடுதி, தற்போது வேறு பெயரில் இயங்கி வருகிறது.