தற்காலிக தீர்வுக்கு வழி

சுற்றுலா ஆர்வலர்கள் கூறியதாவது: மாமல்லபுரத்தில் இன்னும் சில நாட்களில் மேல்மருவத்துார் பக்தர்கள், நுாற்றுக்கணக்கான பேருந்துகளில் குவியத் துவங்குவர். அவற்றை நிறுத்த இடமில்லாததால், சுற்றுலா பகுதியிலுள்ள சாலைகளில் தான் நிறுத்துவர். அடுத்தடுத்து, அதிக விடுமுறை நாட்கள் வருவதால், சுற்றுலா வாகனங்கள் அதிக அளவில் வரும். போக்குவரத்தும் பாதிக்கப்படும். இதை தவிர்க்க, அரசு மருத்துவமனை அருகில் உள்ள அரசு மேய்க்கால் புறம்போக்கு பகுதியில், வாகனங்களை நிறுத்த அனுமதிக்கலாம். அங்கிருந்து நகருக்குள் செல்ல, மினி பஸ் அல்லது வேன் போன்றவற்றை இயக்கலாம். இதற்கு, அதிகாரிகள் நடவடிக்கை எடுக்க வேண்டும். இவ்வாறு, அவர்கள் கூறினர்.