மெட்ரோவில் இலவச பயணம்

நந்தனம் ஒய்.எம்.சி.ஏ., மைதானத்தில், இன்று நடக்கும் இளையராஜா இன்னிசை கச்சேரிக்கு, மெட்ரோ ரயிலில் இலவசமாக பயணிக்கலாம்.பிரத்யேக மெட்ரோ பாஸ்கள், கியூ.ஆர்., குறியீடு வசதியுடன் கச்சேரி டிக்கெட் வழங்கப்பட்டு உள்ளது. அதை காண்பித்து, மெட்ரோ ரயில்களில் பயணிக்கலாம். இதை வைத்து, ஒரு முறை மட்டுமே சென்று திரும்பும் வகையில் ஏற்பாடு செய்யப்பட்டு உள்ளது.பொதுப் போக்குவரத்தை மேம்படுத்துவதற்கும், மாநகரின் போக்குவரத்து நெரிசலைக் குறைப்பதற்கும் இது போன்ற ஒத்துழைப்பை வழங்க, சென்னையில் உள்ள மற்ற பெரிய நிகழ்வு அமைப்பாளர்களுக்கு, சென்னை மெட்ரோ ரயில் நிறுவனம் அழைப்பு விடுத்துள்ளது.