பத்திரிகை அலுவலகம்

நடிகர் வீட்டிற்கு மிரட்டல்

மெரினா காமராஜர் சாலையில் உள்ள தமிழக டி.ஜி.பி., அலுவலகத்திற்கு நேற்று காலை இ - மெயில் ஒன்று வந்துள்ளது. அதில், அண்ணாசாலை சிம்சனில் உள்ள ஹிந்து பத்திரிகை அலுவலகத்திலும், மயிலாப்பூரில் உள்ள நடிகர் எஸ்.வி.சேகர் வீட்டிலும், வெடிகுண்டு வைத்திருப்பதாக குறிப்பிடப்பட்டிருந்தது. இது குறித்து வெடிகுண்டு நிபுணர்களுக்கு தகவல் தெரிவிக்கப்பட்டது. சம்பவ இடங்களுக்கு விரைந்து சென்ற வெடிகுண்டு நிபுணர்கள், மோப்பநாய் உதவியுடன் தீவிர சோதனை மேற்கொண்டனர். இதில், மிரட்டல் வெறும் புரளி என்பது தெரியவந்தது. தொடரும் வெடிகுண்டு மிரட்டல்கள் குறித்து, சைபர் கிரைம் போலீசார் விசாரிக்கின்றனர்.