சென்னை :தமிழ்நாடு மாநில அமெச்சூர் கிக் பாக்சிங் சங்கம் சார்பில், மாநில அளவிலான கிக் பாக்சிங் சாம்பியன்ஷிப் போட்டி, கடந்த 9ம் தேதி துவங்கி நேற்று முன்தினம் நிறைவடைந்தது.

போட்டிகள், செங்கல்பட்டு மாவட்டம், வண்டலுார் அடுத்த மேலக்கோட்டையூரில் உள்ள தமிழ்நாடு உடற்கல்வி பல்கலையில் நடந்தது.

இதில், சப் - ஜூனியர், ஜூனியர் சீனியர் மற்றும் மாஸ்டர்ஸ் ஆகிய பிரிவுகளில், கிக் லைட், புல் காண்டாக்ட், லோ கிக், கே - 1 ஸ்டைல் உள்ளிட்ட 12 வகையான போட்டிகள் நடத்தப்பட்டன.

போட்டியில், பல்வேறு மாவட்டங்களில் இருந்து, 500க்கும் மேற்பட்ட வீரர் - வீராங்கனையர் பங்கேற்றனர். அனைத்து போட்டிகள் முடிவில், சென்னை மாவட்ட அணி, 55 தங்கம், தலா ஒன்பது வெள்ளி மற்றும் வெண்கலம் என, மொத்தம் 73 பதக்கங்களை வென்று ஒட்டு மொத்த சாம்பியன் பட்டத்தை வென்றது.

காஞ்சிபுரம், 24 தங்கம், ஐந்து வெள்ளி, இரண்டு வெண்கலம் என, 31 பதக்கங்களுடன் இரண்டாமிடத்தை கைப்பற்றியது.

அதைத்தொடர்ந்து, திருவள்ளூர் - 54 பதக்கங்களுடன் மூன்றாவது இடத்தை கைப்பற்றியது. அடுத்தடுத்த இடங்களை ராணிப்பேட்டை, கோவை உள்ளிட்டட மாவட்டங்கள் வென்றன. இப்போட்டியில் வெற்றி பெற்றவர்கள், தேசிய பயிற்சி முகாமிற்கு தகுதி பெற்றுள்ளனர்.