மழையால் விமான சேவை பாதிப்பு

சென்னை மற்றும் புறநகர் பகுதியில், நேற்று மாலை 6:30 மணியில் இருந்து, பலத்த காற்றுடன் கூடிய கனமழை பெய்தது. இதனால் கொச்சி, துாத்துக்குடி, மும்பை, டில்லி உட்பட பல்வேறு பகுதிகளில் இருந்து சென்னை வந்தடைந்த, 10 விமானங்கள், தரையிறங்க முடியாமல் நீண்ட நேரம் வானில் வட்டமடித்து, மழைவிட்டதும் தரை இறங்கின. சென்னை விமான நிலையத்திலிருந்து குவைத், டில்லி, கொச்சி, கோவா, மங்களூரு உட்பட 15 விமான நிலையங்களுக்கு செல்ல வேண்டிய விமானங்கள், தாமதமாக புறப்பட்டுச் சென்றன. இதனால் பயணியர் கடும் அவதிக்குள்ளாகினர். கனமழையால் வருகை, புறப்பாடு என, 25 விமான சேவைகள் பாதிக்கப்பட்டன.