சென்னை :சென்னை ஹாக்கி சங்கம் சார்பில், முதலாவது டிவிஷன் அணிகளுக்கான ஹாக்கி லீக் சாம்பியன்ஷிப் போட்டிகள், எழும்பூர், ராதாகிருஷ்ணன் ஹாக்கி மைதானத்தில் நடக்கின்றன.

வேளச்சேரி கிளப், எம்.சி.சி., - அடையார் யங்கஸ்ட், இந்திரா காந்தி உள்ளிட்ட, 33 அணிகள் பங்கேற்றுள்ளன. மொத்தம் எட்டு குழுவாக பிரிந்து, லீக் முறையில் வார இறுதி நாட்களில் மட்டும் மோதுகின்றன.

நேற்று முன்தினம் மாலை நடந்த ஆட்டத்தில், கோட்டூர் புள் மூன் மற்றும் அண்ணா மெமோரியல் அணிகளுக்கு இடையிலான ஆட்டம், 3 - 3 என்ற கணக்கில் டிராவில் முடிந்தது.

மற்றொரு போட்டியில், ரிசர்வ் வங்கி அணி மற்றும் யாசர் மெமோரியல் அணிகள் மோதின. விறுவிறுப்பான ஆட்டத்தில், துவக்கத்தில் இருந்தே, ரிசர்வ் வங்கி அணி ஆதிக்கம் செலுத்தியது.

முடிவில், 11 - 0 என்ற கணக்கில் ரிசர்வ் வங்கி அணி வெற்றி பெற்றது.

வேளச்சேரி ஹாக்கி கிளப், 3- 2 என்ற கணக்கில் காரனேஷன் ஸ்போர்டஸ் கிளப்பை வீழ்த்தியது. சேலஞ்சர்ஸ் மற்றும் ேஹாம்லி ஹாக்கி கிளப் அணிகளுக்கு இடையிலான ஆட்டம், 1 - 1 என்ற கணக்கில் டிராவில் முடிந்தது.

***