கோயம்பேடு /:'யு - டியூபர்'களுக்கு கொலை மிரட்டல் விடுத்த த.வெ.க., உறுப்பினர் நேற்று கைது செய்யப்பட்டார்.

கோயம்பேடில் உள்ள தனியார் தியேட்டரில், நடிகர் தனுஷ் இயக்கி நடித்துள்ள இட்லி கடை திரைப்படம் கடந்த 1ம் தேதி திரையிடப்பட்டது. படம் பார்த்துவிட்டு வெளியில் நின்ற 'யு - டியூப்' சேனல்களுக்கு மக்கள் பேட்டி கொடுத்தனர்.

அப்போது, பிரபல 'யு - டியூப்' சேனலைச் சேர்ந்த இருவரிடம், அங்கு வந்த நபர் ஒருவர், த.வெ.க., நிர்வாகி என அறிமுகப்படுத்தி, கரூர் விபத்து குறித்து பேசி வாக்குவாதம் செய்தார். பின், யு - டியூபர்களுக்கு கொலை மிரட்டல் விடுத்து சென்றார்.

இது குறித்து, தனியார் யு - டியூப் சேனல் சார்பில், கோயம்பேடு போலீசில் புகார் அளிக்கப்பட்டது. போலீசார் விசாரித்து, வளசரவாக்கம் அடுத்த ஆழ்வார்திருநகரைச் சேர்ந்த கோகுல், 29, என்பவரை நேற்று கைது செய்தனர். விசாரணையில் அவர், த.வெ.க.,வின் உறுப்பினர் என்பது தெரிந்தது. தொடர்ந்து அவரிடம் போலீசார் விசாரித்து வருகின்றனர்.