பே க்ஹோ லோடர் எனும் கட்டுமான இயந்திரத்தை தயாரிக்கும் கோவையை சேர்ந்த புல் மெஷின்ஸ் நிறுவனம்.,ரூ.8 லட்சம் முதலீட்டில் 1997ம் ஆண்டு வெறும் 8 பேர் கொண்ட குழுவுடன் ஒரு சிறிய நிறுவனமாகத் தொடங்கப்பட்டு,இன்று இந்திய உற்பத்தி துறையிலும் தனது தனி முத்திரையை பதித்துள்ளது.

அதே நேரத்தில் உலகின் மிக வேகமாக வளர்ந்து வரும் பேக்ஹோ லோடர் வாகன உற்பத்தியாளர்களில் ஒன்றாக உயர்ந்து நிற்கிறது. இன்று, 68க்கும் மேற்பட்ட நாடுகளில் இதன் தயாரிப்புகள் இயக்கத்தில் உள்ளன.

பன்னாட்டு நிறுவனங்களின் ஆதிக்கத்தில் இருந்த இந்தத் துறையில், இந்தியாவின் உள்நாட்டு நிறுவனமான புல், பேக்ஹோ லோடர் வணிகத்தில் உலக அளவில் ஒரு குறிப்பிடத்தக்க அங்கீகாரத்தைப் பெற்றுள்ளது.புதுமை, உள்நாட்டுமயமாக்கல், மற்றும் வாடிக்கையாளர்களை மையமாகக் கொண்ட வடிவமைப்பு ஆகியவற்றில் உறுதியுடன் இருக்கும் ஒரு துடிப்பான குழு, கூட்டுமுயற்சி இந்த நிலைக்கு இந்த நிறுவனத்தை அழைத்து சென்றுள்ளது.

உள்நாட்டிலேயே உருவாக்கப்பட்ட இதன் தயாரிப்புகள், சவாலான நிலப்பரப்புகளையும், சூழ்நிலைகளையும் தாங்கக்கூடிய வகையில் வடிவமைக்கப்பட்டுள்ளன, இதனால் நீடித்து உழைக்கக்கூடிய இயந்திரங்களை வாங்க துடிக்கும் வாடிக்கையாளர்களுக்கு புல் மெஷின்ஸ் தயாரிப்புகள் விருப்பமான தேர்வாக உள்ளது.

இந்திய உள்நாட்டு சந்தையில் புல் நிறுவனம் உலகளாவிய முன்னணி நிறுவனங்களின் விற்பனையை விஞ்சியபோது, அது ஒரு திருப்புமுனை தருணமாக அமைந்தது. நீண்ட காலமாக நிலைநிறுத்தப்பட்ட சர்வதேச பிராண்டுகளை உள்நாட்டு உற்பத்தியாளர்களால் சிறந்த முறையில் வடிவமைக்கவும், சேவை செய்யவும் முடியும் என்பதற்கான ஒரு குறியீடாக உள்ளது.

உள்நாட்டு மற்றும் சர்வதேச சந்தைகளில் அதிகரித்து வரும் தேவையைப் பூர்த்திசெய்ய, புல் மெஷின்ஸ் ஒரு பெரும் உற்பத்திவிரிவாக்கத் திட்டத்தைத் தொடங்கியுள்ளது. முதல் கட்டத்தில், ஆண்டுக்கு 4,500 வாகனங்களிலிருந்து 9,000 வாகனங்களாக உற்பத்தியை இந்த நிறுவனம் அதிகரிக்க நடவடிக்கைகளை துவக்கி உள்ளது. இந்த விரிவாக்கத்தின் இரண்டாவது கட்டத்தில் ஆண்டுக்கு 12,000 வாகனங்களை உற்பத்தி செய்ய இலக்கு நிர்ணயிக்கப்பட்டுள்ளது.

இந்த விரிவாக்கம், ஆப்பிரிக்கா, லத்தீன் அமெரிக்கா, தென்கிழக்கு ஆசியா மற்றும் மத்திய கிழக்கு போன்ற பகுதிகளில் அதிகரித்து வரும் உள்கட்டமைப்புத் தேவையைப் பூர்த்திசெய்ய புல் நிறுவனத்திற்கு உதவும்.

இந்நிறுவனத்தின் ஆராய்ச்சி மற்றும் மேம்பாட்டுக் குழுக்கள், கடினமான நிலப்பரப்புகள் மற்றும் நிஜ உலக கட்டுமான சவால்களுக்கான தீர்வுகளைத் தொடர்ந்து உருவாக்குகின்றன.செயற்கை நுண்ணறிவு மற்றும் உலகளாவிய போக்குகளைப் பின்பற்றுவது மட்டுமல்லாமல், புதிய அளவு கோல்களையும் இந்த நிறுவனம் அமைக்கிறது. பொறியியல் சாமர்த்தியத்தை நடைமுறைப் பயனுடன் இணைப்பதன் மூலம், ஒவ்வொரு வாகனமும் வாடிக்கையாளர்களுக்கு ஈடு இணையற்ற மதிப்பை வழங்குவதை நிறுவனம் உறுதி செய்கிறது.

புல்மெசினின் தயாரிப்புகளான புல் சூப்பர் ஸ்மார்ட்,, எரிபொருள் சிக்கனத்துடன் கடுமையான பணிகளுக்கு என்று சிறப்பாக உருவாக்கப்பட்டுள்ளது. புல் சூப்பர் ஸ்மார்ட்நீங்கள் டெமோசெய்து, அதில் திருப்தி பெறாவிட்டால் ரூ.50 ஆயிரம் வழங்கப்படும்! புல் சூப்பர் ஸ்மார்ட்என்பது உண்மையான தரம், நம்பகத்தன்மை மற்றும் நீண்டகால லாபத்தின் கூட்டு.

2030ம் ஆண்டிற்குள் உலகத்தின் 2ம் பேக் ஹோலோடர் நிறுவனமாக உயர வேண்டும் என்ற தொலைநோக்கு இலக்கை நோக்கி புல் மெஷின்ஸ் தன்னை முன்னேற்றிக்கொண்டு வருகிறது.

இந்நிறுவனம் வெறும் கட்டுமான உபகரணங்களை மட்டும் உற்பத்தி செய்யவில்லை, உலகளாவிய தொழில் அரங்கில் இந்தியப் பெருமையையும் கட்டியெழுப்புகிறது. ஏற்றுமதி, வேகம் மற்றும் நம்பகத்தன்மை ஆகியவற்றில் கவனம் செலுத்தி, கட்டுமான உபகரணத் துறையில் ஒரு உலகளாவிய நிறுவனமாக புல் மெஷின்ஸ் நிறுவனம் எதிர்காலத்தில் உருவெடுக்க உள்ளது.