'பாதுகாப்பு வேலி அமைக்கப்படும்'

கோவை மண்டல வீட்டு வசதி பிரிவு செயற்பொறியாளர் ஜேக்கப் நாயகத்திடம் கேட்ட போது, ''வாரியத்துக்கு சொந்தமான இடத்தின் மீதுள்ள வழக்குகள் முடிவுக்கு வந்ததும், விற்பனை உள்ளிட்ட மேம்பாட்டு நடவடிக்கைகள் எடுக்கப்படும். வாரிய அதிகாரிகள் ஆய்வு செய்து சுற்றிலும் பாதுகாப்பு வேலி அமைத்தல், எச்சரிக்கை பலகை நிறுவுதல் போன்ற நடவடிக்கை எடுக்கப்படும். மேம்பாட்டு பணிகள் தொடர்பாக வாரிய உயரதிகாரிகள் கவனத்துக்கு கொண்டு செல்லப்படும்,'' என்றார். மாநகராட்சி கிழக்கு மண்டல உதவி கமிஷனர் முத்துசாமி கூறுகையில், ''சம்பந்தப்பட்ட இடத்தை அதிகாரிகள் விரைவில் ஆய்வு செய்வார்கள். இதுகுறித்து உயர் அதிகாரிகள் ஆலோசனைப்படி உரிய நடவடிக்கை எடுக்கப்படும்,'' என்றார்.