புதுச்சத்திரம்: புதுச்சத்திரம் அடுத்த ஆண்டார்முள்ளிப்பள்ளம் அரசு மேல்நிலைப் பள்ளியில் 'தினமலர் - பட்டம்' இதழ் வழங்கப்பட்டது.

மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதுள்ள தொழில்நுட்ப அபிவிருத்திகள் உள்ளிட்ட பல்வேறு தகவல்களை மாணவர்களுக்கு எளிதில் புரியும் வகையில், 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.

புதுச்சத்திரம் அடுத்த ஆண்டார்முள்ளிப்பள்ளம் அரசு மேல்நிலைப் பள்ளியில், கோதண்டபாணி அறக்கட்டளை தலைவர் துரை இராமலிங்கம் தலைமை தாங்கி மாணவ, மாணவிகளுக்கு பட்டம் இதழ் வழங்கினார்.

பள்ளி தலைமை ஆசிரியர் ரமேஷ், உடற்கல்வி ஆசிரியர் ராஜ்குமார் உள்ளிட்ட ஆசிரியர்கள் பலர் உடனிருந்தனர்.