பெண்ணாடம்: பெண்ணாடம் பிரளயகாலேஸ்வரர், இறையூர் தாகம் தீர்த்தபுரீஸ்வரர் கோவில்களில் பிரதோஷ சிறப்பு பூஜை நடந்தது.

இதையொட்டி, பெண்ணாடம் பிரளயகாலேஸ்வரர் கோவிலில் நேற்று காலை மூலவர் சுவாமிக்கு சிறப்பு அபிஷேகம், தீபாராதனை நடந்தது.

தொடர்ந்து மாலை 4:45 மணியளவில், முன் மண்டபத்தில் உள்ள நந்தி பகவானுக்கு பால், தயிர், சந்தனம், மஞ்சள், இளநீர், பன்னீர், திரவிய பொடி ஆகியவைகளால் அபிஷேகம், 5:30 மணியளவில் மகா தீபாராதனை நடந்தது.

இதேபோன்று, இறையூர் தாகம் தீர்த்தபுரீஸ்வரர் கோவில் நந்தி பகவானுக்கு பிரதோஷ சிறப்பு பூஜை நடந்தது. ஏராளமான பக்தர்கள் தரிசனம் செய்தனர்.