பண்ருட்டி: கடலுார் மாவட்டம், பண்ருட்டி அடுத்த ஆத்திரிக்குப்பம் கிராமத்தை சேர்ந்தவர் கிருஷ்ணன்,50; சேலம் தனியார் கல்லுாரி பேராசிரியர். இவரது மனைவி ராஜேஸ்வரி,48; தனியார் பள்ளி ஆசிரியை. ராஜேஸ்வரி நேற்று முன்தினம் காலை 9:00 மணியளவில் வீட்டை பூட்டி விட்டு வேலைக்கு சென்று விட்டார். மாலை திரும்பி வந்து பார்த்தபோது, வீட்டு கதவின் பூட்டு உடைக்கப்பட்டிருந்ததை கண்டு அதிர்ச்சி அடைந்தார்.

உள்ளே சென்று பார்த்தபோது, பீரோ உடைக்கப்பட்டு, ரூ.2 ஆயிரம் பணம் மற்றும் ரூ. 1 லட்சம் மதிப்பிலான வெள்ளிப் பொருட்கள் திருடு போயிருந்தது தெரியவந்தது. இந்த சம்பவத்தில் பீரோவில் பாதுகாப்பான இடத்தில் வைக்கப்பட்டிருந்த ரூ. 10 லட்சம் மதிப்பிலான தங்க நகைகள் தப்பியது.

முத்தாண்டிக்குப்பம் போலீசார் வழக்கு பதிந்து மர்ம நபர்களை தேடி வருகின்றனர்.