கள்ளக்குறிச்சி : கள்ளக்குறிச்சி மாவட்டத்தில் உள்ள 65 ஏரிகள் மீன் வளர்ப்பு குத்தகை ஏலம் விடப்படுகிறது.

இது குறித்து கலெக்டர் பிரசாந்த் விடுத்துள்ள செய்திகுறிப்பு;

கள்ளக்குறிச்சி மாவட்டத்தில் உள்ள கள்ளக்குறிச்சி வட்டத்திற்குட்பட்ட 11 ஏரிகள், உளுந்துார்பேட்டை வட்டத்தில் 29 ஏரிகள், திருக்கோவிலுார் வட்டத்தில் 9 ஏரிகள், சங்கராபுரத்தில் வட்டத்தில் 3 ஏரிகள், வாணாபுரம் வட்டத்தில் 13 ஏரிகள் என மொத்தம் 65 ஏரிகள் மீன் வளர்ப்புக்கு குத்தகை ஏலம் விடப்படுகிறது.

www.tntenders.gov.in என்ற இணையதளத்தில் மின்னணு ஒப்பந்தப்பபுள்ளி மூலம் 3 ஆண்டுகளுக்கு குத்தகை விடப்பட உள்ளன. ஏரியின் குத்தகை ஏலம் நாள் குறித்த விவரங்களை இணையத்தில் அறிந்து கொள்ளலாம். மேலும், கூடுதல் விவரங்களுக்கு விழுப்புரம் தாட்கோ வளாகம் மீன்வளம் மற்றும் மீனவர் நலத்துறை உதவி இயக்குனர் அலுவலகத்தை அணுகலாம். அதேபோல் fishermenwelfarevpm@gmail.com என்ற இணையதளத்திலும், 04146-259329 என்ற எண்ணிலும் தொடர்பு கொண்டு அறியலாம்.

இவ்வாறு அதில் உள்ளது.