கள்ளக்குறிச்சி: கள்ளக்குறிச்சியில் அதி நவீன தொழில்நுட்பத்துடன் புதிய தேர்களை வடிவமைக்கும் பணிகளில் ஸ்ரீ ஹனேஷ் இன்ஜினியரிங் தேர் பட்டறை சாதனை படைத்து வருகிறது.

கள்ளக்குறிச்சி உலகங்காத்தான் பகுதி தேசிய நெடுஞ்சாலையில் ஹனேஷ் இன்ஜினியரிங் தேர் பட்டறை இயங்கி வருகிறது. 50 ஆண்டுகளுக்கும் மேலாக அதி நவீன தொழில் நுட்பத்துடன் புதிய தேர் வடிவமைப்பு மற்றும் வடிவம் மாறாமல் பழங்கால தேர்களை புதிய தொழில் நுட்பத்துடன் சீரமைப்பது உள்ளிட்ட பணிகள் மேற்கொள்ளப்பட்டு வருகிறது.

நான்கரை அடி அகலம், 21 அடி உயரம், 12.5 அடி அகலம், 37 அடி உயரம் வரையிலான பிரம்மாண்ட தேர்கள் கூட இலுப்பை மரங்களால், அழகிய வடிவமைப்புகளுடன் சுவாமி சிலைகள், ஆட்டோமேட்டிக் பிரேக், இரும்பு அச்சுகளைக் கொண்ட சக்கரங்கள் பொருத்தி 100 ஆண்டுகளுக்கு மேலாக உழைக்கக்கூடிய அதிநவீன தொழில் நுட்பத்துடன் கூடிய தேர்கள் செய்யப்படுகின்றன.

5 அடி முதல் 15 அடி அகலம் வரையிலான இரும்புச்சக்கரங்கள் தேர்களின் அளவுக்கு ஏற்றாற்போல பிரேக்குடன் தயார் செய்யப்படுகிறது. பராமரிப்பின்றி பழுதடைந்த தேர்களையும், அதன் வடிவம் மாறாமல் புதிய தொழில்நுட்பத்தில் தயார் செய்யப்படுகிறது. புதிய தேர் வாங்கினாலும், பழைய தேர்களை புதிப்பித்தாலும் மூன்று ஆண்டுகள் வரை இலவசமாக பராமரிப்பு பணிகள் செய்து தரப்படுகிறது.

இப்பணிகளை தேர் வடிவமைப்பு வல்லுநர் பிரகாஷ் என்பவர் தனது தந்தை காலத்தில் இருந்து கடந்த 50 ஆண்டுகளுக்கு மேலாக செய்கின்றார்.

குறைந்த செலவில் தேர் செய்வதில் கடந்த இரண்டு தலைமுறைகளாக சாதனை படைத்து வருகின்றனர். தேர் வாங்கும் வாடிக்கையாளர்களுக்கு, தேரினை அவர்களின் சொந்த ஊருக்கு நேரில் எடுத்து சென்று கொடுப்பதுடன், தேரினை அங்குள்ள தேரோடும் வீதிகள் வழியாக சோதனை ஓட்டம் செய்து காண்பிக்கின்றனர்.

அத்துடன் தேர்களை அந்தந்த பகுதிகளுக்கே சென்று தயாரித்துக் கொடுக்கும் வசதியும் உள்ளது. இது குறித்து மேலும் விபரங்கள் அறிய 99761 62384 என்ற மொபைல் எண்ணில் தேர் வல்லுநர் பிரகாஷை தொடர்பு கொள்ளலாம்.