சென்னை:போடி கூடைப்பந்தாட்டக் கழகம் சார்பில், மாநில அளவிலான மின்னொளி கூடைப்பந்து போட்டி, தேனி, போடியில் நடந்தது.

இதில், சென்னை உட்பட பல்வேறு மாவட்டங்களில் இருந்து, கல்லுாரி, கிளப், சங்க அணிகள் பங்கேற்றன. 'லீக்' சுற்றுகளில், சென்னை எஸ்.ஆர்.எம்., அணி, 65 - 41 என்ற கணக்கில், போடி ஹூப் ஸ்டார் அணியையும், 70 - 36 என்ற கணக்கில் சென்னை எஸ்.பி.ஓ.ஏ., அணியையும் தோற்கடித்தது.

தொடர்ந்து சிறப்பான ஆட்டத்தை வெளிப்படுத்திய எஸ்.ஆர்.எம்., அணி சென்னை ஜெயராம் அணியை, 82 - 60 என்ற கணக்கிலும், சென்னை எம்.சி.சி.,யை, 95 - 92 என்ற கணக்கிலும் வீழ்த்தி வெற்றி பெற்றது.

அனைத்து போட்டிகள் முடிவில், சென்னை எஸ்.ஆர்.எம்., அணி முதலிடத்தையும், எம்.சி.சி., இரண்டாம் இடத்தையும், வி.கே., ஜெயராமன் அணி மூன்றாம் இடத்தையும் வென்றன.