காஞ்சிபுரம்,:செம்மொழி நாள் விழாவை முன்னிட்டு, தமிழ் வளர்ச்சி துறை சார்பில், மாவட்ட அளவிலான கட்டுரைப் போட்டி, காஞ்சிபுரம் பச்சையப்பன் மகளிர் கல்லுாரியில் நேற்று நடந்தது. இதில், காஞ்சிபுரம் மாவட்டத்தில் உள்ள பல்வேறு கல்லுாரியைச் சேர்ந்த 50 மாணவ - மாணவியர், 'முத்தமிழ் அறிஞர் கலைஞரின் கடித இலக்கியம்' என்ற தலைப்பில் கட்டுரை போட்டியில் பங்கேற்றனர்.

இப்போட்டியில் காஞ்சிபுரம் சோழன் கல்வியியல் கல்லுாரி மாணவி வரலட்சுமி; எஸ்.எஸ்.கே.வி. கலை மற்றும் அறிவியல் மகளிர் கல்லுாரி மாணவி நந்தினி; சுதா ஆகியோர் முறையே மூன்று இடங்களை கைப்பற்றினர். இவர்கள் மாநில அளவிலான போட்டியில் பங்கேற்க தகுதி பெற்றுள்ளனர்.