கரூர், உங்களுடன் ஸ்டாலின் திட்ட முகாம், அக்., 7ல் நடக்கிறது என, கலெக்டர் தங்கவேல் தெரிவித்துள்ளார்.

இது குறித்து, அவர் வெளியிட்ட அறிக்கையில் கூறியிருப்பதாவது: கரூர் மாவட்டத்தில், உங்களுடன் ஸ்டாலின் திட்ட முகாம் வரும், 7ல் நடக்கிறது. அதில், பள்ளப்பட்டி நகராட்சி, 25வது வார்டுக்கு பள்ளப்பட்டி ஹபீப் ஷாதி மஹால், கரூர் மாநகராட்சி, 40 வது வார்டுக்கு, தெற்கு காந்திகிராமம் சக்திநகர் விளையாட்டு மைதானத்திலும், தான் தோன்றிமலை வட்டாரம், பள்ளபாளையம் பஞ்சாயத்திற்கு, பள்ளப்பாளையம் சமுதாய கூடத்திலும், கடவூர் வட்டாரம்,

மாவத்துார் பஞ்சாயத்திற்கு, மாவத்துார் பசுபதிபாளையம் செந்தில் முருகன் திருமண மண்டபத்திலும், குளித்தலை வட்டாரம், இனுங்கூர் பஞ்சாயத்திற்கு, இனுங்கூர் சமுதாயக் கூடத்திலும் முகாம் நடக்கிறது. பொதுமக்கள் கோரிக்கை மனுக்களை அதிகாரிகளிடம் அளிக்கலாம். இவ்வாறு, அதில் கூறப்பட்டுள்ளது.