கரூர், கரூரில் நடந்த, உங்களுடன் ஸ்டாலின் திட்ட முகாமில் பயனாளிகளுக்கு, 11 லட்சம் ரூபாய் மதிப்புள்ள நலத்திட்ட உதவிகள் வழங்கப்பட்டன.

கரூர் மாநகராட்சிக்குட்பட்ட திருவள்ளூவர் மைதானத்தில், உங்களுடன் ஸ்டாலின் திட்ட முகாம் நடந்தது. கலெக்டர் தங்கவேல் தலைமை வகித்தார். பயனாளிகளுக்கு, கரூர் எம்.எல்.ஏ., செந்தில்பாலாஜி நலத்திட்ட உதவிகளை வழங்கினார். வருவாய்த்துறை சார்பாக, 21 பேருக்கு வகுப்பு சான்று, வருமான சான்று, கூட்டுறவுத் துறை சார்பாக, ஐந்து பேருக்கு, 11 லட்சம் ரூபாய் மதிப்பீட்டில் மகளிர் சிறு வணிக கடனுதவி.

மகளிர் சுய உதவிக்குழு கடனுதவி, கரூர் மாநகராட்சி சார்பாக எட்டு பேருக்கு சொத்து வரி பெயர் மாற்றம், காலிமனை வரி விதிப்பு, பிறப்பு சான்றிதழ், எரிசக்தித் துறை சார்பாக, 4 நபர்களுக்கு மின் இணைப்பு பெயர் மாற்றத்திற்கான ஆணை, ஊரக வளர்ச்சித் துறை சார்பாக இருவருக்கு, சொத்து வரி பெயர் மாற்றத்திற்கான ஆணை என மொத்தம், 40 பேருக்கு, 11 லட்சம் ரூபாய் மதிப்பீட்டில் நலத்திட்ட உதவிகள் வழங்கப்பட்டன. முகாமில், மாநகராட்சி மேயர் கவிதா, துணை மேயர் சரவணன், டி.ஆர்.ஓ.,கண்ணன், மாநகராட்சி கமிஷனர் சுதா, கரூர் ஆர்.டி.ஓ., முகமது பைசல், மண்டலக்குழு தலைவர் ராஜா உள்பட பலர் பங்கேற்றனர்.