கரூர், கரூரில் அருகே, தனியார் நிறுவனத்தில் மயங்கி விழுந்த வடமாநில தொழிலாளி இறந்தார்.

பீஹார் மாநிலம், சரண் மாவட்டத்தை சேர்ந்தவர் சண்டேஷ்வர், 55. இவர், கரூர் பெரிய ஆண்டாங்கோவிலில் உள்ள தனியார் நிறுவனத்தில் வேலை பார்த்து வந்தார். நேற்று முன்தினம் காலை, 10:00 மணியளில் வேலை செய்து கொண்டிருந்த போது மயங்கி விழுந்துள்ளார். உடனடியாக, அவரை மீட்டு கரூர் அரசு மருத்துவக் கல்லுாரி மருத்துவமனையில் சேர்த்தனர். அங்கு, சிகிச்சை பலனின்றி இறந்தார்.

கரூர் டவுன் போலீசார் விசாரணை நடத்தி வருகின்றனர்.