மத்திய உள்துறை அமைச்சர் அமித்ஷா மீனாட்சி அம்மன் கோயிலுக்கு செல்லும் வழியில் தன் மடத்தில் காத்திருந்த மதுரை ஆதினத்தை பார்த்ததும் காரை விட்டு இறங்கினார். அவருக்கு ஆதினம் காவி நிற சால்வையை அணிந்தார். மடத்தின் சார்பில் வெளியிடப்படும் தமிழாகரன் இதழ், திருஞானசம்பந்தரின் புத்தகத்துடன், மனு ஒன்றையும் அமித்ஷாவிடம் ஆதினம் வழங்கினார். அதை பெற்றுக்கொண்ட அமித்ஷா நன்றி தெரிவித்துக்கொண்டு கோயிலுக்கு சென்றார்.

ஆதினம் கூறுகையில், ''அமித்ஷாவை சந்தித்தது மகிழ்ச்சி அளிக்கிறது. இலங்கையில் இலங்கை தமிழர்களுக்கு தனி நாடு வேண்டும். கச்சத்தீவை மீட்க வேண்டும். இந்திய மீனவர்கள் பிரச்னைக்கு முடிவு கட்ட வேண்டும் என கோரிக்கைகள் அடங்கிய மனுவை அளித்தேன். நடவடிக்கை எடுப்பார் என நம்புகிறேன்,'' என்றார்.பிரதமர் மோடி மீனாட்சி அம்மன் கோயிலுக்கு வந்த போது தன் மடத்திற்கு வெளியே காத்திருந்து மதுரை ஆதினம் சந்தித்து பொன்னாடை அணிவித்தார்.