'5 ஆண்டுகள் ஆகியும்

நீதி கிடைக்கவில்லை'ஜெயராஜ், பென்னிக்ஸ் ஆகியோரது ஐந்தாமாண்டு நினைவு நாள் நேற்று முன்தினம் சாத்தான்குளத்தில் அனுசரிக்கப்பட்டது. ஜெயராஜின் மகள் பெர்சி மற்றும் உறவினர்கள் கூறியதாவது:கடந்த 2020ல் ஜெயராஜ், பென்னிக்ஸ் போலீசாரால் படுகொலை செய்யப்பட்டனர். வழக்கில் போதுமான சாட்சிகள் இருந்தும் தீர்ப்பு கிடைக்காதது வேதனையை தருகிறது. வழக்கில் சம்பந்தப்பட்ட 9 போலீசாரின் வழக்கறிஞர்களும் வெவ்வேறு காரணங்களை சொல்லி வழக்கை தாமதப்படுத்தி வருகின்றனர். இந்த வழக்கிற்கான நீதிபதி நியமிக்கப்படாமல் பொறுப்பு நீதிபதி தொடர்கிறார். தனி நீதிபதி நியமிக்க வேண்டும் என்ற எங்கள் கோரிக்கையும் நிறைவேற்றப்படவில்லை. அடுத்த ஆண்டு நினைவு நாளுக்கு முன்பாக எங்களுக்கு நியாயமான தீர்ப்பு கிடைக்க வேண்டும்.இவ்வாறு அவர்கள் கூறினர்.