தினமும் ஒருவருக்கு 55 லிட்டர் தண்ணீர் ஊராட்சிகளுக்கு தண்ணீர் வழங்க குடிநீர் வாரியத்திடம் ஆயிரம் லிட்டரை ரூ.9க்கு வாங்குகிறோம். ஒருவருக்கு தினமும் 55 லிட்டர் தண்ணீர் வழங்கப்படுகிறது. இதற்கு குழாய், கரண்ட், மோட்டார் இயக்குபவர் சம்பளம் என செலவு உள்ளது. இதனால் குடிநீர் வழங்கினால் அதற்கு தினமும் ரூ.1 வீதம் மாதம் ரூ.30 வரி வசூலிக்கிறோம். இத்தொகையை பொதுமக்கள் வழங்க தயாராகவே உள்ளனர். உதாரணமாக 120 ஊராட்சிகளில் நுாறு சதவீத வரி வழங்கியுள்ளனர். ஜல்ஜீவன் திட்டத்திலும் குழாய் இணைப்பு இலவசமே தவிர, குடிநீருக்கு வரி உண்டு. ஜல்ஜீவன் முதற்கட்ட குழாய் இணைப்பு கொடுத்தபோது தரமற்ற குழாய்களால் பாதிப்பு ஏற்பட்டு சில பகுதியில் குடிநீர் வினியோகம் இல்லாமல் உள்ளது. மாவட்ட அளவில் மொத்த வீடுகள் 6.2 லட்சத்தில் 4.5 வீடுகளில் இணைப்பு வழங்கப்பட்டுள்ளது. இதில் குடிநீர் வினியோகம் இல்லாத 1.5 லட்சம் இணைப்புகளிடம் வரிவசூல் செய்யவில்லை. அதனை பயன்படுத்துவோரிடம் மட்டுமே வசூலிக்கிறோம். தண்ணீருக்காக குடிநீர் வாரியத்திற்கு ரூ.9 கோடி பாக்கி உள்ளது. இதையெல்லாம் நிர்வகிக்க வரிவசூல் அவசியம். -அரவிந்த் மாவட்ட ஊராட்சி உதவி இயக்குனர்