பராமரிப்பு பணி காரணமாக ரயில் சேவையில் மாற்றம்

திருவனந்தபுரம் கோட்டத்தில் நடக்கும் பராமரிப்பு பணிகள் காரணமாக, கீழ்க்காணும் ரயில்களின் சேவையில் மாற்றம் செய்யப்படுவதாக தெற்கு ரயில்வே அறிவித்துள்ளது. மதுரை - குருவாயூர் பகுதி ரத்து இன்று (செப். 20) காலை 11:35 மணிக்கு புறப்படும் மதுரை -குருவாயூர் ரயில் (16327), கொல்லத்துடன் நிறுத்தப்படும். மறுமார்க்கத்தில், ரயில் (16328) நாளை மதியம் 12:10 மணிக்கு கொல்லத்தில் இருந்து புறப்பட்டு மதுரை வரும். இவ்விரு ரயில்களும் கொல்லம் - குருவாயூர் இடையே பகுதியாக ரத்து செய்யப்படுகின்றன. திருவனந்தபுரம்-மதுரை 'அமிர்தா' ரயில் (16343), இன்று ஆலப்புழா வழியாக மாற்று பாதையில் இயக்கப்படும். பயணிகள் வசதிக்காக ஹரிபத், அம்பலபுழா, சேர்த்தலா, எர்ணாகுளம் சந்திப்பு ஸ்டேஷன்களில் நின்று செல்லும். வழக்கம் போல் இயங்கும் செப். 23ல் விருதுநகர், மானாமதுரை, திருச்சி வழியாக மாற்றுப் பாதையில் இயங்கும் என அறிவிக்கப்பட்ட குருவாயூர் - சென்னை எழும்பூர் ரயில் (16128), அன்று வழக்கம்போல் மதுரை வழியாக இயங்கும். பகுதி ரத்து ஈரோடு - கரூர் இடையே பராமரிப்பு பணி காரணமாக செப். 19, 22, 25, 28, 30, அக். 3, 6ல் ஈரோடு - செங்கோட்டை - ஈரோடு ரயில்கள் (16845/16846), திண்டுக்கல் - கரூர் இடையே மட்டும் இயக்கப்படும். கரூர் - ஈரோடு இடையே பகுதியாக ரத்து செய்யப்படுகின்றன. ஏற்கனவே செப். 30 வரை (செவ்வாய் தவிர்த்து) மேற்கண்ட இரு ரயில்களும் செங்கோட்டை - திண்டுக்கல் இடையே ரத்து செய்யப்பட்டுள்ளன.