மல்லசமுத்திரம்,திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில், நேற்று பருத்தி ஏலம் நடந்தது. இதில், சூரியகவுண்டம்பாளையம், பீமரப்பட்டி, மங்களம், மேல்முகம், சின்னகாளிப்பட்டி, மரப்பரை, பருத்திப்பள்ளி, ராமாபுரம் உள்ளிட்ட பல்வேறு பகுதிகளை சேர்ந்த விவசாயிகள், 60 கிலோ எடைகொண்ட, 147 மூட்டை பருத்தியை விற்பனைக்கு கொண்டு வந்திருந்தனர்.

இதில், பி.டி., ரகம் குவிண்டாலுக்கு, 7,225 ரூபாய் முதல், 8,025 ரூபாய், கொட்டு பருத்தி, 4,509 ரூபாய் முதல், 5,509 ரூபாய் என, மொத்தம், மூன்று லட்சம் ரூபாய்க்கு ஏலம் நடந்தது. அடுத்த ஏலம் வரும், 21ல் நடக்கிறது.