எருமப்பட்டி, எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை கூடுகிறது. இந்த சந்தைக்கு புதுக்கோட்டை, நவலடிப்பட்டி, முட்டாஞ்செட்டி உள்ளிட்ட பகுதிகளை சேர்ந்த விவசாயிகள், தாங்கள் வளர்க்கும் ஆடுகளை விற்பனைக்கு கொண்டு வருகின்றனர்.

ஆடுகளை வாங்கிச்செல்ல திருச்சி, துறையூர், முசிறி உள்ளிட்ட பகுதிகளை சேர்ந்த வியாபாரிகள் வந்து செல்கின்றனர். கடந்த, மூன்று வாரமாக புரட்டாசி விரதத்தால், வியாபாரிகள் வரத்து குறைந்து காணப்பட்டது. இதனால் விற்பனையும் மந்தமாகவே இருந்தது. இந்நிலையில், மூன்றாவது சனிக்கிழமை முடிந்ததால் விற்பனை அதிகரித்து, ஏழு லட்சம் ரூபாய்க்கு ஆடுகள் விற்பனையாகின.