நாமக்கல், 'நாமக்கல் மாவட்டத்தில், இன்று முதல், 12 வரை, ஐந்து நாட்களுக்கு மிதமான மழை பெய்ய வாய்ப்பு உள்ளது' என, வானிலை ஆலோசனை மையம் தெரிவித்துள்ளது.

இதுகுறித்து, நாமக்கல் கால்நடை மருத்துவ கல்லுாரியில் உள்ள வானிலை ஆய்வு மையம் வெளியிட்ட செய்திக்குறிப்பு:

நாமக்கல் மாவட்டத்தில், கடந்த, 4 நாட்களாக சில இடங்களில் மிதமான மழையும், சில இடங்களில் கனமழையும் பெய்துள்ளது. இதனால் பகல், இரவு நேர வெப்பநிலை குறைந்துள்ளது. இன்று முதல் வரும், 12 வரை, ஐந்து நாட்கள், அதிகபட்ச பகல்நேர வெப்ப நிலை, 31 முதல், 34 டிகிரி செல்ஷியஸ் வரை

இருக்கும்.

குறைந்தபட்ச இரவு நேர வெப்பநிலை, 22 முதல் 25 டிகிரி செல்ஷியஸ் வரை இருக்கும். வானம் மேகமூட்டத்துடன் காணப்படும். காற்றின் ஈரப்பதம், 60 முதல், 90 சதவீதம் வரை இருக்கும். காற்று வட மேற்கு, வட கிழக்கு மற்றும் தென் மேற்கு திசையில் இருந்து மணிக்கு, 6 முதல், 7 கி.மீ., வேகத்தில் வீசக்கூடும்.

இன்று, 8 மி.மீ., நாளை, 26 மி.மீ., 10ல், 12 மி.மீ., 11ல், 15 மி.மீ., 12ல், 16 மி.மீ., அளவில் மழை பெய்ய வாய்ப்பு உள்ளது.

இவ்வாறு அதில் தெரிவிக்கப்பட்டுள்ளது.