பரமக்குடி, - பரமக்குடி நகராட்சியில் ரூ.5 கோடியே 30 லட்சத்தில் நடந்து வரும் வளர்ச்சித் திட்ட பணிகளை கலெக்டர் விஷ்ணு சந்திரன் பார்வையிட்டார்.

பரமக்குடி நகராட்சி பாரதியார் பூங்காவில் ரூ.75 லட்சம் மதிப்பீட்டில் நகர் நல மையம் கட்டப்பட்டுள்ளது. வார்டு 17 முதல் 24 வரை ரூ.96 லட்சத்தில் பேவர்பிளாக் தளம் அமைக்கப்பட்டுள்ளது.

மேலும் எமனேஸ்வரம் ஜீவா நகர் பகுதியில் ரூ.1.76 கோடியில் நவீன மின் தகன மயானம் கட்டப்பட்டு வருகிறது. தொடர்ந்து ஊராட்சி ஒன்றிய அலுவலகம் அருகில் ரூ.1.88 கோடியில் அறிவு சார் மையம் கட்டப்பட்டு வருகிறது.

இப்பணிகளை விரைந்து முடிக்க வேண்டும் என கலெக்டர் அறிவுறுத்தினார். ஆய்வின் போது பரமக்குடி கமிஷனர் (பொறுப்பு) கண்ணன், நகராட்சி இன்ஜினியர்கள்சுரேஷ், செல்வராணி உள்ளிட்டோர் இருந்தனர்.