ஆத்துார், ஆத்துார் வேளாண் கூட்டுறவு சங்கத்தில், ரூ.4 லட்சத்துக்கு பருத்தி வர்த்தகம் நடந்தது.

ஆத்துார் வேளாண் கூட்டுறவு சங்கத்தில் பருத்தி ஏலம் நடந்தது. ஆத்துார், தலைவாசல், வீரகனுார், கெங்கவல்லி பகுதி மட்டுமின்றி, சின்னசேலம், கள்ளக்குறிச்சி, பெரம்பலுார் பகுதியில் இருந்து விவசாயிகள், 58.40 குவிண்டால் பருத்தி விற்பனைக்கு கொண்டு வந்தனர்.

இதில் வியாபாரிகள் பங்கேற்று, பருத்தி தரத்துக்கு ஏற்ப விலை நிர்ணயம் செய்தனர். பி.டி., ரகம் பருத்தி குவிண்டாலுக்கு, 6,989 முதல், 7,769 ரூபாய்; கொட்டு (கழிவு) பருத்தி குவிண்டாலுக்கு, 3,499 முதல், 4,589 ரூபாய் வரை விற்பனையானது. 58.40 குவிண்டால் பருத்தி, 4 லட்சம் ரூபாய்க்கு வர்த்தகம் நடந்தது.