சேலம், கொண்டலாம்பட்டி அடுத்த பி.நாட்டாமங்கலம், பெருமாள் கோவில் கரட்டூரில் தனியே வசித்தவர் குப்பாயி, 74. இருதய நோயால் பாதிக்கப்பட்டு, சிகிச்சை பெற்று வந்தார். நேற்று முன்தினம் இரவு, அவரது மூத்த சகோதரிகள் பச்சையம்மாள், ராஜமுத்து உடன் தங்கினர்.

நள்ளிரவு, 1:30 மணிக்கு, நெஞ்சுவலி அதிகமாகி துடித்த குப்பாயி, சிறுநீர் கழிக்க வெளியே சென்ற நிலையில் திரும்ப வரவில்லை. தேடியபோது, அருகே காட்டுப்பகுதியில், மண்ணெண்ணெய் ஊற்றி, தீ வைத்து தற்கொலை செய்து கொண்டது தெரிந்தது. கொண்டலாம்பட்டி போலீசார் விசாரிக்கின்றனர்.