கெங்கவல்லி, 'கெங்கவல்லி, உலிபுரத்தை சேர்ந்த ரமேஷ் மகன் ஸ்ரீதர், 24. எம்.பி.ஏ., படித்த இவர், வெளிநாடு செல்வதற்கு, 'பாஸ்போர்ட்' எடுத்துள்ளார். அதன் நகல் உள்ளிட்ட தகவல்களை, கூரியரில் அனுப்ப, நேற்று முன்தினம், ஹெல்மெட் அணியாமல், 'யமஹா -ஆர்15' பைக்கில், தம்மம்பட்டி சென்றுவிட்டு, மீண்டும் வீட்டுக்கு திரும்பிக்கொண்டிருந்தார்.

இரவு, 7:45 மணிக்கு, தம்மம்பட்டி - முள்ளுக்குறிச்சி சாலையில் அதிவேகமாக சென்றபோது, சறுக்கி சாலையோரம் விழுந்தார். இதில் படுகாயமடைந்த அவரை, மக்கள் மீட்டு தம்மம்பட்டி அரசு மருத்துவமனைக்கு அனுப்பினர். அங்கு அவர், நேற்று உயிரிழந்தார். தம்மம்பட்டி போலீசார் விசாரணை நடத்தி வருகின்றனர்.