ஓமலுார் சேலம் விமான நிலையத்தில் சென்னை, பெங்களூரு, கொச்சின், ஹைதராபாத் பகுதிகளுக்கு பயணியர் விமானம் இயக்கப்படுகிறது. அதே வளாகத்தில் மத்திய அரசின் அனுமதியுடன் விமானி பயிற்சி பள்ளி செயல்படுகிறது.

50க்கும் மேற்பட்ட மாணவ, மாணவியர் உள்ளனர். அதில் ஒரு இன்ஜின் கொண்ட, 5 சிறு பயிற்சி விமானங்களை பயன்படுத்தி வருகின்றனர். இந்நிலையில் நேற்று, இரு இன்ஜின் கொண்ட புது விமானம் பயிற்சி பள்ளிக்கு வந்தது. அந்த விமானத்தை, இரு தீயணைப்பு வாகனங்களில் இருந்து தண்ணீர் பீய்ச்சி அடித்து வரவேற்பு கொடுத்தனர்.