சிவகங்கை, : நாட்டரசன்கோட்டை கண்ணுடைய நாயகி அம்மன் கோயிலில் ஆடி முளைப்பாரி உற்ஸவ விழா தொடங்கியது.

சிவகங்கை தேவஸ்தானத்திற்கு உட்பட்ட இக்கோயிலில் ஜூலை 13 அன்று மாலை 6:30 மணிக்கு விதை பரப்புதல் நிகழ்வுடன் ஆடி முளைப்பாரி உற்ஸவ விழா தொடங்கியது. தினமும் அம்மன் சன்னதி முன் முளைப்பாரியை வைத்து, பெண்கள், சிறுமிகள் கும்மி பாட்டு பாடி வருகின்றனர்.

ஜூலை 20ம் தேதி மாலை 6:30 மணிக்கு முளைப்பாரிகளை பெயர்த்து வைத்தல் நிகழ்வும், ஜூலை 21 அன்று காலை 10:00 மணிக்கு அம்மன் தங்க முளைப்பாரியை தலைமையில் தாங்கி திருவீதி உலா நடைபெறும்.

ஜூலை 22 ல் மாலை 6:30 மணிக்கு தைலகாப்பு அலங்காரம், இரவு 7:00 மணிக்கு கண்ணுடைய நாயகி அம்மன் திருவீதி உலா வந்து, பக்தரகளுக்கு காட்சி அளிக்க உள்ளார்.

முளைப்பாரி விழாவை முன்னிட்டு தினமும் அம்மன் புறப்பாடும், முளைக்கொட்டுதல் நிகழ்வும் நடைபெறும். தேவஸ்தான நிர்வாகிகள் ஏற்பாட்டை செய்து வருகின்றனர்.