புரோக்கர் வாயிலாக வசூல் வேட்டை

திருவள்ளூர் வீரராகவபுரத்தை சேர்ந்த செங்கல்வராயன் என்பவர் கூறியதாவது: வீட்டு வரி என் தந்தை பெயரில் இருப்பதால், நான் சென்று கேட்கும் போது, 'பட்டாவை உங்கள் பெயரில் மாற்றி வாருங்கள்' என, அலைக்கழிக்கின்றனர். கிராம நத்தம், கலத்து மேட்டு புறம்போக்கு, ஆட்சேபனையற்ற புறம்போக்கு உள்ளிட்ட நிலங்களில் வசிப்போர் பட்டா இல்லததால், வீட்டு வரி ரசீது பெற முடியாமல் தவிக்கின்றனர். பெரும்பாலான கிராமங்களில் வீட்டு வரி, தந்தை அல்லது மூதாதையர் பெயரில் உள்ளதால், அதை மாற்ற ஊராட்சி செயலரை தொடர்பு கொள்கின்றனர்.
வரியில் பெயர் மாற்றும் அதிகாரம் மண்டல துணை வட்டார வளர்ச்சி அலுவலருக்கு உள்ளதால், பி.டி.ஓ., அலுவலகத்திற்கு அலைய வேண்டியுள்ளது. அங்கு, அதிகாரிகள் சிலர் புரோக்கர்கள் வாயிலாக வசூல் வேட்டை நடத்துகின்றனர். இதற்கு ஒரே தீர்வு, ஒன்றியத்தின் முக்கிய கிராமங்களில் முகாம் நடத்துவது மட்டுமே. இவ்வாறு அவர் கூறினார்.